Menu

Ilaqutariit attaveqaatinut

Nunatsinniit Danmarkimut efterskoleriartut tamarmik, Naalakkersuisuniit taperneqartut, ilaqutariit attaveqaateqartariaqarput.

 

Ilaqutariit attaveqaatitut pisussaaffissi

Efterskolertumut angajoqqaat sinnerlugit akisussaasuussaasi. Taamaammat suliaq pimoorussassaavoq. Uku akisussaaffigissavasi:

  • Atuartoq efterskolilinnginnerani attavigillualereersimassallugu
  • Atuartoq tikippat aassallugu, angerlalerneranilu timmisartoqarfimmut aallariartuutissallugu
  • Efterskolernerup ulluata siullermi ilagissallugu - nalinginnaasumik sapaammiusarpoq
  • Atuanngiffinni tikeraartorisarumallugu soorlu:
    • Nalliuttuni
    • Atuarfiup weekendini matoqqaffiini
    • Efterskolertup napparsimanerani efterskolip qinnutigippagu
    • Atuarunnaarpat Kalaallit Nunaanut aallarnissaata tungaanut
  • Sapinngisamik, efterskoli angajoqqaanik ataatsimiigiaqqusigaangat sammisaqartitsiniaraangalluunniit, orniguttassallunga.
  • Atuartoq, efterskoli, angajoqqaat uagullu qanimut suleqatigaluta, tamatigut ikiorlugu tapersersortassallugulu

Tassa naatsumik oqassagaanni: Efterskolertumut Ilaqutariit attaveqaatinngoraanni, soorlu tassa meeqqamik ataatsimik isumagisassamik ilalluni. Efterskolertup efterskolernera tamaat efterskolertoq sumiinnera nalusassanngilarsi.

 

Angajoqqaallu isumaqatigiissusiussaasi

Uku angajoqqaallu isumaqatigiissusiorsimassallugit pingaarpoq:

  • ilissinnut angalasarnerata aningaasartuutissat
  • aningaasat kaasarfimmiussat
  • ilissinniinnerani saniatigut aningaasartuutit
  • efterskolernermini allanik amigaateqarpat, soorlu
    • qarasaasiaq
    • sikkilit
    • ukiorsiutit
  • malittarisassat, soorlu
    • pujortartarneq
    • unnukkut qassinut angerlareersimasarnissaa
    • assigisaallu
  • qanoq akulikitsigisumik tikeraartarnissaa
  • qanoq akulikitsigisumik efterskolertup angajoqqaat oqaluuttassanerai - maanngaanniit akulikittannginnissaa (annerpaamik sap. ak. ataasiarlutik) siunnersuutigisarparput, sumiiffimmini inooqataalluarnissaa aammalu qallunaatut ilikkapallannissaa anguniarlugu

 

Sukumiisumik akuunissarsi

Efterskolimi sutitsisoqartillugu akuusarneq akisussaaffimmik tigusilluarnissinnik takutitsissaaq aammalu efterskolertup attaveqaataanut (kontaktlærer) suleqataalluarlusi - soorlu atuarfik uagullu aamma taamaattugut.

 

Ajornartorsiornermi

Efterskolertup ilissilu akornassinni ajornartorsiuikkussi, sukkanerpaamik attavigineqassaagut.

Ilaqutariit attaveqaataarusukkunnaarussi sukkanerpaamik attaveqarfigissavatsigut. Taamaaliussagussi uagut "taartaasinnaanngilagut", tassami isumaqatigiissusersi angajoqqaallu isumaqatigiissutaammat. Ilaqutariit attaveqaataarusukkunnaarussi angajoqqaat namminneq nutaamik nassaarnissaq akisussaaffigissavaat.

Nalussanngilarsi efterskolertoq ilaqutariit attaveqaataarukkuni uniinnartariaqassammat angerlartitaallunilu.

Facebookimi Danmarkimi efterskolertunut, angajoqqaavinut, ilaqutariit attaveqaataannut efterskolinullu qupperneq

Quppernermukarit