Dansk: Tryk her
Kalaallinut siunnersuisoqarfiit
Region Syddanmarkimi (Fynimi Sydjyllandimilu) najugaqaruit ikiorniarsinnaavatsigit.
Odensemi, Svendborgimi, Vejlemi, Koldingimi, Esbjergimilu oqaloqatiginnittarfeqarpoq ataatsimoortarfeqarlunilu, oqarasuaatikkullu attaveqarsinnaajuaannarputit.
Attaviginninnermi innuttaasutut kinaassutsit ilisaritittariaqanngilat, nipangiussisussaatitaagatta.
Immikkoortortaqarfiit toqqarsinnaavatit: Esbjerg * Kolding * Odense * Svendborg * Vejle
Inunnik Isumaginnittoqarfik
Inunnut suleqatiginullu assigiinngitsutigut ikiuussinnaasarpugut:
- Illersuisuusinnaavugut kommuunini, nakorsiarnerni allaniluunniit pisortaqarfinni oqaloqateqarnerni
- Siunnersuisinnaavugut, ajornartorsiorninni unittoorsimaguit imal. pisortaqarfinni arlaatigut nalornartorsioruit
- Ikiorniarsinnaavatigit, nunaqqatitsinnik Danmarkimiittunik attaveqarusukkuit
- Ikiorniarsinnaavatsigit ikorfartorlutillu, aanngaajaarniutinik arlaatigulluunniit atornerluisuuguit
- Napparsimmaveqarfimmut attaveqaataasinnaavugut
- Nunatsinnut angalanissanut, soorlu aarlariataarnissanut tikeraarnissanullu, siunnersuisinnaavugut
- Oqalutsissarsiuussinnaavatsit
Ammasarfigut
- Ataasinngorneq - pingasunngorneq: Nal. 13.00 - 15.30 (oqarasuaatikkut nal. 11 - 15.30)
- Sisamanngorneq: Nal. 13.00 - 17.30 (oqarasuaatikkut nal. 11 - 17.30)
- Tallimanngorneq: Oqarasuaatikkuginnaq nal. 11 - 13.30
Sianeruit, uunga sianissaatit (+45) 66 13 70 85, taavalu 2 toorlugu.
Atornerluisuuneq
Imigassamik aanngajaarniutinilluunniit atornerluisuuit, atornerluisuujunnaarusullutillu? Imigassamik aanngajaarniutinilluunniit atornerluisumik ilaqutaavit, tassungalu atatillugu oqaloqateqarusuppit?
Ingerlaqqinniarninnut ikiortikkusukkuit, maanga saaffigisinnaajuaannarputit.
Spiralilersuisimaneq
Hvis du søger råd og vejledning i forhold til spiralkampagnen, så læs mere her.
Spiralilersuisimanermut tunngatillugu siunnersortikkusukkuit aqqutissiortikkusukkuilluunniit, taava uani qanoq iliornissat atuarsinnaavat.
Tarnip pissusaanik ilisimatuumik oqaloqateqarneq
Tarnikkut sakkortuumik atugaqarsimallutit ikiorserneqarnissamik pisariaqartitsiguit, tarnip pissusaanik ilisimatuumut (psykologimut) oqaloqateqarnissamut nakorsinnannit innersuunneqarsinnaajuaannarputit.
Assersuutigalugu makkunannga ikiorneqarsinnaavutit:
- Tillinniarfigitissimaguit, annersartissimaguit imaluunniit pinngittaalisaasimaguit.
- Ajutoorsimaguit.
- Inummut tarniluuteqartumut qanitaasuuguit.
- Nappaateqalersimaguit inuunerup sinneranut atuuttumik.
- Qanigisanni toqusoqarsimappat.
- Imminut toqoriarsimaguit imaluunniit imminut toqunnissamik eqqarsaateqaruit.
- Sap. ak. 12-ip kingorna naartuersissimaguit
Qallunaatut oqqarlukkuit, tarnip pissusaanik ilisimatuumik oqaloqateqarnissamik pisariaqartitsiguit nutserisussarsiorsinnaavatigit.
Nakorsavit innersuussimappatit, nutserisoqarnermi akiligassap ilaa suli nammineq akilertussaassavat. Akiliisinnaanngikkuit, kommunerisannut tapiissummik qinnuteqarsinnaavutit.
Periarfissannik suli paasisaqarnerorusukkuit, attavigisinnaavatsigut.
Inatsisitigut akeqanngitsumik ikiorserneqarneq
Danmarkimi illoqarfinni anginerni inatsitigut akeqanngitsumik ikiorserneqarnissamut periarfissaqarputit. Ikiorsiissut innuttaasunut tamanut - sumilluunniit najugaqaruit - atuuppoq, kisianni najugaqatigiit isertitai apeqqutaallutik.
Eqqartuussissuserisoq Vilhelm Dickmeiss, kalaallinut Qallunaat Nunaanni najugalinnut, inatsisitigut ikiorsiinissaminut neqerooruteqarpoq. Vilhelm Dickmeiss ukiuni arlalinni Kalaallit Nunaanni najugaqarnikuuvoq, Nuummilu eqqartuussissuserisuunikuulluni.
Itinerusumik paasisaqarusukkuit ugguuna attaveqarsinnaavutit.
Kalaallinut Inatsisitigut Siunnersuisarfik
Kalaalllinut sukumiinerusumik inatsisitigut ikiortikkusukkuit Kalaallit Inatsisitigut Siunnersuisarfiat / Den Grønlandske Retshjælp Københavnimiittoq attavigisinnaavat. Taakkunani kinaassutsit oqaatiginagu siunnersortissinnaavutit sullinneqalaarsinnaallutillu.
Marlunngornerit tamaasa ammasarput nal. 15.00 - 17.00 oqarasuaatikkut (+45) 33 38 15 99.
Suleqatinut paasissutissat
Illup avataani, Region Syddanmarkimi, nammineq imal. kommuunit suliffeqarfiilluunniit suleqatigalugit suliaqartarpugut.
