Dansk: Tryk her
TUMIT - Odense
Region Syddanmarkimi kalaallit imminut ikiortarsinnaanissaminnut Projekt Tumimi ilinniartinneqarsinnaapput. Tassani ataatsimoorneq inuillu ataasiakkaat atorfissaqartitaat aallaaviusarput. Uku sammisarpavut:
- qallunaat kultooriat inuiaqatigiinnerallu
- aningaasaqarniarneq
- peqqinneq
- peqqissuseq
- attaveqaqatigiinneq
- pisortanut attaveqarnermi tapersersuineq
- suliffeqarfik / ilinniarneq
- inooqataanermut inuttullu piginnaanerit
Taakku saniatigut aqqutissiuisarpugut, oqaloqaternerni tapersersuilluta, angalaaqatigiilluta, illaqatigiilluta inuunermilu pingaartitanik oqaloqatigiilluta.
Ilaasut 10-usinnaapput. Ilaaneq inuit ataasiakkaat pisariaqartitaat malillugu qaammatit 3 - 12 ingerlasarpoq.
Ilaanissamut piumasaqaatit:
- 18 - 65-inik ukioqassaatit
- Pisortaniit aningaasarsiaqassaatit (kontanthjælp), aningaasarsiaqartalerusussaatit imal. qanoq sulisinnaatiginersutit misissorneqarpoq (ressourceforløb) .
